Ipinahayag ni Naga City Mayor Leni Robredo na dati niyang pinipili na dai na lamang patulan an mga troll pages asin fake news sa social media.
Segun sa alkalde, dai siya pirming nagbabasa nin mga negatibong post kaya dai siya masyadong naaapektaran pati sa opisina, pinupugolan niya an mga nagiistorya saiya manugod sa mga pambabatikos sa social media.
Pero nagbago an paninindigan ni Robredo matapos na dakol na tawo an nag-alok nin suporta tanganing makasuhan nin cyber libel an mga nagpapakalat nin salang impormasyon.
Nagpaliwanag man an alkalde kun ano an mga lakaw asin aktibidad niya sa Manila. Giit niya na mayo siyang kinukua na pondo, maski singko, hali sa kaban kan Naga City para sa mga pagduman niya sa cuidad.
Nag-viral man sa social media an naging simbag ni Robredo sa sarong post kan troll page na nagsasabing pirmi na sa siyang nasa Manila asin itinatago pa umano niya sa mga taga-Naga an pirmi niyang pagduman.
Sa paliwanag kan alkalde, nilinaw niya an tunay na dahilan kan saiyang mga pagduman sa Manila asin an mga responsibilidad na konektado digdi.
