NBI, nagpoon na sa imbestigasyon sa soboot pagtransfer nin P6.7 billion na pondo kan gobyerno sa Phisgoc para sa 2019 SEA Games

Nagpoon na an imbestigasyon kan NBI sa soboot pagtransfer nin P6.7 billion na pondo kan gobyerno sa Phisgoc para sa 2019 SEA Games.

Kabali sa pig-iimbestigaran iyo an posibleng papel ni Senador Alan Peter Cayetano, dating Phisgoc chairman.

Segun sa NBI, pitong indibidwal na an pig-subpoena asin posibleng ipaapod man si Cayetano kun igwa nin supisyenteng ebidensya.

Nakikipagkoordinar man an NBI sa COA, SEC, asin BIR para maeksamin an mga transaksyon.

Mientrastanto, sinabi ni Public Works Secretary Vince Dizon na preparado siyang makipagtabangan asin nanindugan na mayong nangyaring kurapsyon sa proyekto.