Target kan Estados Unidos na magselyo nin kasunduan sa Iran na buksan giraray an Strait of Hormuz aldaw nin Martes o Miyerkules, lokal na oras.
An Sekretaryo kan Treasury kan Estados Unidos na si Scott Bessent nag-anunsyo kaini tanganing togotan an mga barkong komersyal na maglayag giraray nin libre.
Susog sa sarong halangkaw na opisyal kan Estados Unidos, sinda presenteng nakikipag-olay sa mga Iranian manongod kaini asin igwa nin tsansa na magkaigwa nin kasunduan na buksan an tunel Martes o Miyerkules asin maghiro pasiring sa mas normalisadong posisyon sa iriwal.
Idinugang pa kan opisyal na an anuman na kasunduan makakabalik kan “freedom of movement” sa mayor na agihan nin barko, na iyo an magpapaliwanag na an Iran dai tutugutan na mag-imponer nin mga toll o bayad sa mga barko na nag-aagi sa lugar.
An mga pahayag kan hepe kan Treasury nagkaigwa man nin positibong epekto, na an presyo kan krudo nagbaba sa ibaba kan $77 kada bariles, kaiba an mga negosyante na naglalaom na an ruta mabubukasan giraray sa pinakamadaling panahon.
Sec. Sinabi ni Bessent na an mga presyo puedeng bumagsak pa sa oras na an ginatos na mga barko na naipit sa Persian Gulf sa laog nin mga bulan huli sa giyera sa Middle East.
Mientrastanto, an Iran paorootrong nagnegar na pinag-oolayan an sarong kasunduan sa U.S. manungod sa Strait of Hormuz asin piglinaw na sinda nakikipag-ulay sa kataraid na Oman.
Segun sa opisyal kan Iran, an negosasyon sa Oman nakasentro sa pagbilog nin sarong kasunduan sa sarong ruta na masiguro an ligtas na pag-agi kan mga barko sa Strait of Hormuz.
Nanindugan man ini na dawa magkaigwa nin kasunduan, temporaryo sana ini apwera kun dae mapundo kan Amerika an agresyon kaini.
