Segun sa Department of Agriculture (DA), possibleng makatabang an mas halangkaw na produksyon nin paroy sa bansa kan ikaduwang quarter tanganing madugangan an suplay nin bagas bilang pagpreparar sa magiging epekto kan El Niño sa lokal na produksiyon kan agrikultura.
Nasambit ni Agriculture Secretary Francisco Tiu Laurel Jr. na amay nang nagpreparar an DA tanganing mapangataman an suplay nin pagkakan asin kita kan mga parauma bilang tugon sa nakaambang tagtuyot.
Idinugang man ni Tiu Laurel na an apat na bulang suspendi sa pag-aangkat nin bagas, na ipinatupad poon Setyembre hasta Disyembre kan nakaging taon, ay nakatabang sa pagmaray nin kamugtakan kan merkado asin nagtao sa mga parauma nin mas dakulang pagkakataong magkita nin mas halangkaw.
Segun sa datos kan Philippine Statistics Authority (PSA), naglangkaw nin 5.7 porsiyento an produksyon nin paroy sa bansa sa 4.63 milyong Metriko Tonelada (MT) sa panahon kan Abril hasta Hunyo. Ini an pinakahalangkaw na naitalang produksyon sa ikaduwang quarter poon kan puoonan kan PSA an pagtatala nin datos kan 1987.
Pang inot na dahilan kan rekord nin produksyon an 6.5 porsiyentong paglawak kan inaning umahan nin paroy, na nagabot sa 1.04 milyong ektarya.
Dugang pa kan DA, an paglawak nin tanoman nin paroy ay bunga kan paborableng kondisyon sa pagtatanom, padagos na suporta kan lokal, asin magayun na kamugtakan kan merkado na nag eenkaminar sa mga paraumang magtanom nin mas dakul.
An magayun na ani poon ikaduwang quarter ay nagbawi sa 6.3 porsiyentong pagbaba nin ani kan inot na quarter, kaya nag abot sa 9.02 milyong metriko tonelada an kailogang produksyon kan bagas sa primeronf kabangang taon.
Nasambit pa kan DA na maski nagtatao an mas mahalangkaw na produksyon nin mas dakulang pagkakataon sa lokal na muling pakusugon an imbentaryo nin bagas sa paaagi kan National Food Authority (NFA), posibleng pa ding magin mas masakit ag sitwasyon sa mga masunod na bulan.
Dagdag pa ng ahensiya, mahigpit nitong minomonitor ang iba pang mga taniman dahil sa pagtataya ng PSA na maaaring bumaba ng 13.3 porsiyento ang produksyon ng palay sa 3.25 milyong metriko tonelada.
Dugang man kan ahensiya na batay sa mga inot na ulat hale sa mga umahan, naantala an pagtatanom sa pirang lugar huli sa pag abot kan tag-uran asin haloy na daloy kan irigasyon.
Tinawan-duon kan DA na an katuyuhan kaini ay an mamantinir an balanse sa pagitan kan pagsuporta sa lokal na produksiyon kan agrikultura asin pagpapahintulot sa napapanahong pag-aangkat kan bagas tanganing mapakusog an lokal na suplay. Sa ngunyan, nag abot na sa 3.5 milyong metriko tonelada an naangkat na bagas sa bansa.
