Binabawasan kan administrasyong Marcos an discretionary powers o mahiwas na poder sa paggibo nin desisyon kan mga opisyales kan gobyerno asin ginagamit an digitalisasyon tanganing mas maprotehiran an pundo kan publiko laban sa korapsyon asin sayang.
Sinabi ni Presidente Ferdinand Marcos Jr. na igwa nin mga mekanismo tanganing mabantayan an mga pondo alagad dae ini pirming pig-iimplementar nin tama.
Segun sa Presidente, an nagkapirang mayor na desisyon sa paggastos, kabale an mga desisyon na nagkakantidad nin bilyones pesos, ibinalyo na sa mas hababang lebel kan burukrasya.
Sa rason na ini, kinakaipuhan suboot na bawasan an discretionary powers huli ta pwede ining magbukas nin oportunidad para sa korapsyon.
Pang. Kinokonsiderar ni Marcos an digitalisasyon bilang sarong importanteng paagi tanganing mabawasan an interbensyon kan tawo sa mga proseso kan gobyerno asin maibanan an posibilidad nin korapsyon asin pagsayang nin fondo.
Sinabi pa kan Presidente na padagos na i-streamline kan administrasyon an mga proseso tanganing maseguro na dai maaabuso an discretionary powers asin magamit nin ligtas asin patas an pondo kan publiko.
