Nagkundisir an US nin 50% na taripa sa halos $20 bilyon na halaga nin mga produkto kan Canada.
Kasunod kan palpak na negosasyon sa komersyo sa pag-ultanan kan duwang nasyon.
Si Presidente kan Estados Unidos na si Donald Trump asin an Primer Ministro kan Canada na si Mark Carney dai nakaabot sa pinal asin malinaw na kasunduan.
Sa laog nin tolong aldaw na orolay kan duwang lider sa White House, mayo nin mga pagbawas sa taripa na pinagkasunduan.
Sinabi ni Carney na sa mga masunod na aldaw itutugma ninda an propuestong taripa kan US sa saindang mga produkto.
Kan nakaaging taon, si Trump nag-imponer na nin mga taripa sa mga mayor na produkto na pig-importar hale sa Canada.
Poon kaidto, an duwang lider naghuma na mag-implementar nin halangkaw na taripa.
Huli kaini, dakol na negosyanteng taga-Canada an maaapektaran huli sa mga produktong dara ninda sa Estados Unidos.
