Nagpaabot nin pakikiramay si Presidente Ferdinand R. Marcos Jr. sa mga tawo kan Nepal makalihis an ma hewasang flash flood na nangyari sa mga nayon na harani sa linderos kan Nepal asin China.
Sa saiyang mensahe sa social media post, sinabi kan Presidente na nakikiisa an Pilipinas sa mga pamilya na nawaraan nin saindang mga mahal sa buhay asin nag-aampo para sa saindang katatagan asin kaligtasan sa tahaw kan trahedya.
Segun sa mga report, nagpakol na sa 390 sa katawo an binawian nin buhay, mantang labi 1,300 naman an nawawara matapos an mapaminsalang pagbaha kan Miyerkules.
Padagos an search and rescue operations sa mga lugar na grabe an epekto kan rumaragasang tubig. Naatubang man nin dakulang hamon an mga rescuers huli sa mga danyos sa mga tinampo asin iba pang imprastraktura.
Padagos man na nakikipag-ugnayan an gobyerno sa mga awtoridad kan Nepal asin sa Filipino community tanganing matukdo kun may mga Pilipinong naapektuhan kan insidente.
Base sa datos kan gobyerno, may 18 Overseas Filipino Workers (OFWs) asin 128 Pilipino na ngonian nasa Nepal.
Padagos na mino-monitor kan Philippine government an sitwasyon mantang pighahalat an dugang na impormasyon hali sa mga awtoridad kan Nepal.
