Mapautob nin tapyas- presyo an mga kompanya nin langis sa saindang mga produktong petrolyo sa primerong aldaw kan Setyembre.
Sigon sa Department of Energy o DOE, magkakaigwa nin P0.32 na tapyas-presyo sa kada litro kan gasolina.
Mientrastanto, maabot man sa P3.83 an bawas sa kada litro kan diesel, asin P3.84 an bawas sa kada litro kan kerosene.
Magigin epektibo an bawas presyo alas-sais nin aga ngunian na aldaw Setyembre 1.
Magigirumduman na sa laog kan duwang semana, nagkaigwa nin pagtaas sa presyo kan mga produkto kan petrolyo.
Base sa kalkulasyon kan DOE, nagkaigwa nin total na P54.92 na itinaas sa kada litro kan gasolina poon Enero hasta Agosto 31.
Mientrastanto, P59.06 naman an itinaas sa kada litro kan diesel, asin P51.65 sa kada litro kan kerosene.
