Nakaresibi an Gilas Pilipinas nin grabeng pagkadaog kontra sa South Korea sa saindang huring tune-up game para sa Asian Games.
Nadaog an Philippine National basketball team sa iskor na 69-42 kontra sa South Korea sa Suwon KT Sonicboom Arena kan Domingo nin hapon.
Nagkaigwa nin makuring maraot na pagpoon an Gilas, na nagresulta sa dakulang pagkalubog sa iskor asin dai na nakabawi sagkod matapos an laban.
Katorse puntos sana an nakua ninda pag-abot kan halftime, mantang nagdakula an labaw kan Korea sa sagkod 37 puntos.
Pinangenotan ni Zav Lucero an Gilas sa 14 puntos, alagad anom sana an nakapuntos para sa Pilipinas.
Ini an ikaduwang sunod-sunod na pagkadaog ninda sa South Korea sa saindang mga exhibition match bago an Asian Games.
Target kan Gilas Pilipinas na magkaigwa nin mas marhay na performance pagpoon kan kompetisyon sa basketball kan Asian Games sa Setyembre 10.
