Tinawan nin onra kan Lokal na Gobyerno kan Banwaan nin San Jose, Partido, Camarines Sur si PSSG Noli Miraña kan Lunes, Septyembre 7, 2026, bilang pagmidbid sa saiyang kusog nin boot, dedikasyon, asin serbisyo sa trabaho bilang miyembro kan Philippine National Police.
Sa intrevista kan Bombo Radyo Naga ki Mayor Jerold B. Peña, kan Banwaan nin San Jose, sinabi kaini na an pagmidbid ki PSSG Miraña sarong pagbisto sa saiyang kabayanihan asin sakripisyo sa pag-utob kan saiyang katungdan, orog na sa mga sitwasyon na nagbubugtak sa peligro kan saiyang seguridad.
Marurumduman na kan Agosto 22, 2026, nairido si PSSG Miraña asin naputol an saiyang kamot mantang nagresponde sa sarong insidente imbwelto an sarong lalaki na pigtutubudang may diperensya sa isip sa Barangay Calalahan, San Jose, Camarines Sur.
Sa ibong kan pangyayari, nagin simbolo an kaisogan ni PSSG Miraña kan dedikasyon kan kapulisan sa pagserbi asin pagprotehir sa komunidad. An pagbisto na itinao kan lokal na gobyerno sarong paagi nin pagpapasalamat saiya sa saiyang serbisyo asin sakripisyo para sa seguridad kan mga residentes kan banwaan.
