Mangengenot si Pinay tennis star Alex Eala asin Olympic artistic gymnast Carlos Yulo an sa delegasyon kan Pilipinas para sa 20th Asian Games sa Aichi-Nagoya, Japan.
Pormal nang isinumite kan Philippine Olympic Committee (POC) an kumpletong lista kan mga atleta na makikisumaro sa prestihiyosong torneo.
Parehong pigbibilang si Eala asin Yulo na makusog na kandidato para sa medalyang bulawan sa saindang kanya-kanyang isport.
Nagdesisyon si Eala na dai nguna magkawat sa China Open WTA 1000 tanganing irepresentar an nasyon sa Asian Games, matapos makakua nin duwang bronze medals sa nagligad na mga torneo.
Si Yulo, sarong Olympic artistic champion, nagtutuyo man na makakua kan saiyang pinakaenot na gintong medalya sa Asian Games, kasunod kan saiyang kapangganahan sa Asian Championship sa Zunyi, China.
Kaiba man sa delegasyon an iba pang prominenteng atleta arog ninda Annie Ramirez para sa jiu-jitsu, EJ Obiena para sa pole vault, asin Daniel Caluag para sa BMX.
