Nakatalagang na magbiyahe si Presidente Ferdinand Marcos Jr. sa India.
Segun ki Assistant Secretary Analyn Ratonel, an tagapagtaram kan Department of Foreign Affairs (DFA), matukaw an presidente sa BRICS Summit poon Setyembre 12 sagkod 13.
An pagbiyahe kan Presidente sa India huli sa direktang imbitasyon ni Indian Prime Minister Narendra Modi.
Makakairiba kan presidente sa saiyang biyahe sinda First Lady Liza Araneta-Marcos, Foreign Affairs Secretary Ma. Theresa Lazaro, Information and Communications Technology Secretary Henry Aguda, asin Finance Secretary Frederick Go.
An BRICS sarong internasyonal na organisasyon na binibilog kan mga nasyon na Brazil, Russia, India, China, Egypt, Ethiopia, Indonesia, Iran, South Africa, asin United Arab Emirates.
Oportunidad man ini kan Presidente na ipaliwanag sa BRICS an mga prioridad kan Pilipinas bilang chair kan ASEAN 2026.
Magkakaigwa man nin pagtiripon si Presidente Marcos asin si Modi kun sain pag-uurulayan ninda an pagpakusog kan ekonomiya kan duwang nasyon asin an pagrepaso sa implementasyon kan five-year plan action poon 2025 sagkod 2029.
Makakapag-ulay man an presidente sa nagkapirang negosyante sa India kun sain magsasagibo siya nin follow up sa mga ipinanugang investments kan siya nagbisita kan 2025.
Sa pagbisita kan Presidente kan nakaaging taon, nakapag-uli siya nin $5.8 bilyon na investment pledges na saiyang ibinibilang na sarong mabungang biyahe sa ibang nasyon.
