Kumpleto na an line-up kan Gilas Pilipinas para sa 20th Asian Games na gigibuhon sa Aichi-Nagoya, Japan.
Segun ki Gilas coach Tim Cone, kinua ninda si Calvin Oftana tanganing magkawat.
Si Oftana an nagsalida sa pwestong nakalaan kuta ki Justin Brownlee na sa presente nagpaparahay pa hale sa injury.
Nakaiba na si Oftana sa ginibong ensayo kan Gilas para sa nasabing torneo.
Kompiyansa si Cone na kabisado na ni Oftana an sistema kan kawat kan Gilas huli ta nakaiba na ini sa ibang mga kawat kan national team.
Siya sana an solong miyembro kan Gilas na nanggana nin bulawan na medalya kan 2023 Asian Games na ginibo sa Hangzhou, China.
An mga miyembro kan Gilas Pilipinas na masabak sa Asian Games iyo sinda Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero asin Adrian Nocum.
Enot na makakaatubang kan Gilas Pilipinas an Bahrain sa Setyembre 11.
