Sinabi kan abogado ni Leyte 1st District Representative Martin Romualdez na si Ade Fajardo bilang sarong “True heartbreak moment” an mandato kan Sandiganbayan na ibalyo an saiyang kliyente hale sa Cardinal Santos Medical Center pasiring sa Philippine General Hospital o PGH para sa sarong independent medical examination.
Sigon ki Fajardo, seryoso asin dokumentado an mga kamugtakan na minamate ni Romualdez asin dae man suboot ini pinepeke.,Segun digdi, igwang pre-existing conditions an dating House speaker, kabali na an mga naenot nang operasyon asin silent strokes na kinumpirmar suboot kan saiyang mga doktor.
Mientrastanto, nagpatotoo an psychiatrist ni Romualdez na si Dr. Lourdes Ignacio na na-diagnose an dating lehislador nin depressive disorder na may anxiety.
Igwa man suboot ini nin koneksyon sa iba pa kaining heart asin brain-related conditions asin tinawan ini nin oral medications asin regular na mindfulness sessions.
Makalihis an duwang aldaw na pagdangog, inorden kan Sandiganbayan Third Division an pagbalyo ki Romualdez sa PGH kasuudma, Setyembre 12, para sa independent examination asin confinement.
Naenot nang sinabi kan saiyang cardiologist na posibleng kaipuhan kaini nin apat sagkod anom na semana nin recovery huli sa stress.
