Para masiguro an kaligtasan asin tulos na serbisyong medikal kan mga botante, nagpadara an Philippine Red Cross (PRC) nin 53 personnel, na binibilog nin 14 staff asin 39 volunteers, kaiba an manlainlain na kagamitan para sa emerhensya sa bilog na rehiyon ngunyan na Setyembre 14, 2026, kasabay kan ginigibong BARMM Parliamentary Elections.
Nakasentro an deployment kan PRC sa apat na mayor na chapter sa rehiyon:
Basilan Chapter: 18 personnel (4 staff, 14 volunteers) na may darang 1 Volunteer Emergency Response Vehicle (VERV) asin 2 service vehicles.
Cotabato City Chapter: 13 personnel (8 staff, 5 volunteers) na may nakatalagang 1 ambulansya.
Iligan City Chapter: 12 personnel (1 staff, 11 volunteers) na may 1 ambulansya asin 1 VERV na nakabase sa Marawi.
Tawi-Tawi Chapter: 10 personnel (1 staff, 9 volunteers).
Sa kabilugan, nagkaag an humanitarian organization nin 2 ambulansya, 2 VERVs, 2 service vehicles, 7 First Aid stations, asin 6 welfare stations sa mga tinampo, barangay, asin mga eskwelahan o unibersidad na nagsisirbing botohan.
Naka-standby man an mga dugang na puwersa asin ambulansya hale sa mga chapter kan Sulu, North Cotabato, South Cotabato, asin Zamboanga City kun kaipuhan nin marikas na tabang.
Tinawang-duon ni PRC Chairman asin CEO Richard J. Gordon na obligasyon kan organisasyon na magtao nin ligtas na kapalibutan para sa mga namamanwaan sa paggamit kan saindang karapatan na magboto, mantang nanawagan man si PRC Secretary-General Dr. Gwendolyn Pang nin sarong matuninong asin maayos na eleksyon sa bilog na rehiyon.
