Nasentensiyahan an dating Presidente kan Kosovo na si Hashim Thaci nin 25 taon na pagkapreso kan International Criminal Court (ICC).
Ini kasunod kan saiyang pagkakonbikto sa mga kasong krimen sa gera.
Sa ginibong pagbista, an 58-anyos nasentensiyahan huli sa mga krimen na ginibo kan independence war kan Kosovo kontra sa Serbia kan mga taon 1990.
Labing 10,000 katawo an nagadan sa nasabing gera.
An sentensiya itinao pagkatapos nin tulong taon na pagbista na kabali na an mga akusasyon arog kan paggadan, ilegal na pag-arestar, pagpasakit, asin cruel treatment.
Tinawan man kaini nin atensyon an mga alegasyon laban saiya na dai pa napatunayan.
Si Thaci sarong co-founder asin komandante kan Kosovo Liberation Army (KLA), sarong grupo na nakipaglaban para sa katalingkasan asin pighihiling na bayani sa Kosovo.
Ini inakusaran nin paggadan sa 100 na katawo asin pagkawara kan iba pa.
Tulong iba pang dating komandante kan KLA an nasentensiahan kaiba niya.
An Kosovo Liberation Army (KLA) pigmukna kan taon 1990 bilang sarong militanteng grupo nin mga etnikong Albaniano, na kun saen dating pigkokonsiderar na sarong probinsya nin Serbia sa nangyari na gera sa Ethnic Serb minority.
Si Thaci naging pinakaenot na Prime Minister kan Kosovo kan an nasyon nagdeklara nin independence kan 2008 asin kan huri nagsirbe bilang presidente, alagad nag butas siya sa pwesto kan 2020 tanganing atubangon an mga akusasyon sa The Hague.
