Nagsuspende nin klase an Manila sa gabos na lebel kan Setyembre 21 huli sa mga rally para sa anibersaryo kan Martial Law asin mga isyu sa seguridad.
Sakop kaini an face-to-face classes sa pampubliko asin pribadong eskwelahan sa siyudad.
Ipinag-anunsyo ini ni Manila Mayor Francisco “Isko Moreno” Domagoso, base sa rekomendasyon kan Manila Police District (MPD).
Katuyuhan kan suspensyon na protektaran an mga estudyante asin school personnel sa posibleng peligro arog kan grabeng trapiko asin pagsara kan mga tinampo.
Imbes na face-to-face classes, pinag-atasan an mga eskwelahan na maggamit nin alternative learning modes para sa pagpadagos kan pag-adal.
Nagkapirang rali asin aktibidad an inaasahan sa Manila, partikular sa Liwasang Bonifacio asin Mendiola.
Naglatag an mga awtoridad nin seguridad asin traffic measures, asin magpapakalat an Philippine National Police nin labi 15,700 pulis para sa pagbantay.
