Sa botong 17-0, inaprubahan kan Senado sa ikatlo asin huring pagbasa an Senate Bill No. 2426 o an propwestong Comprehensive School Safety Act.
Katuyuhan kan panukalang ini na pakusugon an mga lakdang tanganing mapagdanay an kaligtasan asin seguridad sa mga eskwelahan, siring man an proteksyon sa mga estudyante, paratukdo, asin iba pang miyembro kan school community.
Kabali sa mga itinutulod kan panukala an pag-implementar kan mga learner protection program asin mas organisadong sistema para sa pagmidbid, paglikay, asin pagsimbag sa mga huma sa laog asin palibot kan mga eskwelahan.
Itinutulod an panukala kasunod kan mga nairehistrong insidente nin karahasan asin pamamaril na nakaapekto sa mga eskwelahan asin mga estudyante.
Pagkatapos kan pag-apruba sa Senado, kaipuhan pa na mag-agi an panukala sa mga masunod na proseso sa lehislatura bago ini magin ley.
