Idineklara ni Presidente Ferdinand Marcos Jr komo special (non-working) days sa National Capital Region an Nobyembre 16 sagkod 18.
Ini tanganing matawan dalan an gigibuhong 49th Association of Southeast Asian Nations (ASEAN) Summit and Related Summits.
Sa nasambit na okasyon, magtitipon an mga lider hale sa Southeast Asia asin nagkapirang nasyon poon Nobyembre 10-12, kaiba an nagkapirang kaagid na aktibidad sagkod Nobyembre 15.
Katuyuhan kan deklarasyon iyo an pagbawas sa daloy kan trapiko asin an pagsiguro sa seguridad kan mga delegado.
An Proclamation 1447 pinirmahan ni Executive Secretary Ralph Recto, na otorisado ni Presidente Marcos kan Setyembre 17.
Napili an Pilipinas bilang host country para sa 49th ASEAN Summit, kun sain si Presidente Marcos an chairman.
Gigibuhon ini sa Philippine International Convention Center sa siyudad kan Pasay, asin an iba pang aktibidad gigibuhon sa Coconut Palace.
