11 gadan sa Pambabadil sa South Africa

Kinumpirmar na 11 katawo an binawian nin buhay matapos an sarong pambabadil sa Durban City, South Africa.

Segun sa mga otoridad, nilaog kan tulong lalaki na armado nin badil an sarong harong kun sain igwang pagtiripon.

Mayong habas na nagpaputok an mga suspek sa lugar kan mga biktima.

Huli sa insidente, tulos na nagadan an 10 biktima mantang an sarong biktima nadara pa sa ospital alagad nagadan man giraray.

Padagos an pagtugis kan mga otoridad sa mga suspek asin inaaram man ninda an motibo kan nasabing pambabaril.