Pigsierto kan kampo ni Bise Presidente Sara Duterte na gigibuhon ninda an gabos na legal na remedyo matapos baliktadon kan Senate impeachment court an conviction threshold.
Segun ki lead counsel ni VP Duterte na si Atty. Sheila Sison, magigin lubos na maingat na an partisipasyon kan mga respondents sa pagdangog.
An gabos na legal na remedyo na pwedeng makua sa irarom kan ley asin konstitusyon dapat itao sa Bise Presidente.
Dae man daa natatakot an Bise Presidente sa kun ano man an magigin resulta kan saiyang impeachment trial.
Marumrumdoman na nagboto an impeachment court pabor sa apela ni Sen. Erwin Tulfo na kinontra an ruling ni presiding officer Francis Escudero na dapat igwang 16 boto para sa conviction huli sa padagos na pagliban ni Senador Ronald “Bato” Dela Rosa, Rodante Marcoleta, Jinggoy Estrada asin Sen. Loren Legarda.
