Ipinagboot ni Italy Culture Minister Allesandro Giuli na halawigon an pagkasara kan bantog na Colosseum sa Italya, tanganing matawan nin respeto an nagadan na empleyado.
Nabaritaan na nahulog an 22-anyos na technician sa haros sampulong metro mantang nagkakabit nin bagong lighting system sa laog kan suanoy na Roman arena.
Segun pa sa Italian Culture Minister, ikinagulat ninda asin dai makapaniwala sa nangyari. Magdadanay na sarado an parte kan second tier kan Colosseum Archaeological Park kun sain nangyari an insidente, tanganing matawan nin dalan an pagluluksa.
Bantog an Colosseum bilang sarong sikat na atraksyon para sa mga turista asin an pinakadakulang amphitheater sa Roman Empire. Tinatantya na 2,000 taon na an nakalihis kan itindog an Colosseum na ginagamit para sa mga laban nin gladiator, pagbitay, asin pagdakop nin hayop.
