Nagpahayag nin pasasalamat si Senador Francis “Chiz” Escudero ki Presidente Ferdinand Marcos Jr. sa marikas na pagpirma sa Republic Act No. 12326, na nagtatao nin limang-taong termino para sa mga opisyal nin barangay asin Sangguniang Kabataan (SK).
Bilang panginot na awtor kan panukala sa Senado, sinabi ni Escudero na an katuyuhan kan ley iyo na magkaigwa nin mas malinaw asin mas organisadong siklo nin pamamamahala sa barangay.
Segun saiya, an mas halawig na termino matao sa mga opisyal nin supisyenteng panahon tanganing magplano, magimplementar, asin magsuri kan saindang mga programa asin serbisyo na dai naaabala kan eleksyon.
Idinugang man ni Escudero an importansya kan papel kan barangay bilang frontliner kan gobyerno sa paghatod nin serbisyo publiko.
Sa irarom kan bagong ley, ibabalik sa Nobyembre 2028 an masunod na Barangay asin Sangguniang Kabataan Elections (BSKE).
Nagpahayag man nin pasasalamat an Senador sa saiyang mga kasaro sa Senado asin House of Representatives sa saindang suporta sa pagpasar kan nasabing reporma.
