Nagresulta giraray sa ‘no deception indicated’ an ikaduwang polygraph test ni Rodulfo Gracioso Jr., an nagpakilalang dating security aide ni dating House Speaker Lord Allan Velasco.,Ini an kinumpirma ni National Bureau of Investigation (NBI) Director Melvin Matibag, na nagsabing kapareho ini kan resulta kan saiyang enot na lie detector test.
Segun sa NBI, ipinapahiling kaini na mayo nin panloloko sa mga nilalaog kan affidavit ni Gracioso na isinumite kan Setyembre 14.
Sa nasabing affidavit, isinalaysay ni Gracioso an saiyang paghatod nin mga maleta nin kwarta sa pamilya Duterte, na sinasabing sa pagboot ni dating Speaker Velasco.,Idiniin ni Director Matibag na dawa dai magagamit sa korte, mahalaga an resulta kan polygraph test sa imbestigasyon kan NBI huli ta nagpapahiling ini kan kredibilidad ni Gracioso.
Alagad, igwa man nin nagkapirang detalye sa affidavit ni Gracioso na dai nagtutugma sa mga pahayag kan ibang indibidwal na nabigyan nin subpoena.
Sa ibong kaini, nagpapabilin na importante an sinumpaang salaysay kan dating security aide para sa nagpapadagos na pagsisiyasat sa saiyang mga isiniwalat.
Kasabay kaini, naenot nang inimbitaran kan NBI sinda VP Sara Duterte, Davao City Rep. Paolo Duterte, asin dating House Speaker Lord Allan Velasco para sa saindang mga paliwanag.
