Pigkuwestiyon ni Senador-huwes Robin Padilla kun tano ta padagos na nasasambit an pangaran ni dating Presidente Rodrigo Duterte sa impeachment trial, partikularmente manungod sa mga bank records na ipinapahiling sa Senado.
Sa saiyang paghapot ki BPI witness Marwin Galvez, sinabi ni Padilla na pirang beses nang nasambit sa pagdangog an pangaran kan dating presidente, na igwa nin joint account kaiba si Bise Presidente Sara Duterte.
Naenot nang kinumpirma ni Galvez an pagkaigwa nin joint bank account ninda Bise Presidente Sara Duterte asin dating Presidente Duterte.
Segun sa testimonya, igwa nin duwang time deposit sa irarom kan nasambit na joint account na nagsumar sa P96 milyon, sarong P41-milyong time deposit kan 2010 asin saro pang P55 milyon na kan huri pigkonberter sa manager’s check.
Boot ni Padilla na maaraman kun igwa nin ano man na dokumento na nagpapahiling nin iregularidad o “kalokohan” na ginibo kan dating presidente manungod sa mga transaksyon na yaon sa records kan nasambit na bangko.
