Nakatabang sa importanteng yugto an pagdangog sa impeachment trial ni Bise Presidente Sara Duterte matapos magtao kan saiyang testimonya sa impeachment court si Atty. Anne Loraine Garcia-Marquez, an Chief of Staff kan Office of the Commissioner kan Bureau of Internal Revenue (BIR).
Segun ki Atty. Adonis Gabriel, sarong legal expert asin propesor sa San Beda University (SBU), nagin crucial an pahayag kan opisyal kan BIR huli ta pormal na naipahiling sa korte an opisyal na kita kan Bise Presidente, kan saiyang agom na si Atty. Manases “Mans” Carpio, asin kan mga kumpanyang igwa sinda nin interes sa negosyo.
Idinuon kan legal analyst na huli sa mga ipinahiling na dokumento asin probatibong ebidensya hale sa BIR, garo baga orog pang naglilinaw asin nagkakarga nin argumento an mga alegasyon na inihain kan prosecution panel laban sa Bise Presidente.
Liwat na nagtao nin bagong direksyon an mga pampublikong ulat asin ebidensya manungod sa financial transparency mantang padagos na sinusuri kan mga senador bilang senator-judges an lado kan magkabilang kampo sa nagpapadagos na paglitis.
