Ipinahayag ni Presidente Ferdinand Marcos Jr. na an alegasyon na nakaresibe nin pondo hale sa China an sarong kompanyang konektado ki Bise Presidente Sara Duterte pwedeng magkawsa nin, ‘Highest level of National Concern’ kun mapapatunayan na totoo.
Sa tahaw kan Impeachment Trial kontra sa bise presidente, kinumpirma kan Anti-Money Laundering Council (AMLC) na an sarong kompanyang may koneksyon saiya asin sa saiyang agom nakaresibe nin P319 milyon hale sa Tsina asin Hong Kong.
Pigtawan-duon kan Presidente na an pondo hale sa China an pinakanakakabahala na parte kan isyu huli ini pwedeng magin pamantayan nin pambansang seguridad.
Minsan siring, naglaom si Marcos na mapapabulaanan asin mapapatunayan na mayong katotoohan an mga nasabing akusasyon kontra sa Bise Presidente.
Mantang, kan Lunes, maduon na pinahimutikan ni Atty. Salvador Paolo Panelo, an tagapagtaram ni Duterte, an mga alegasyon asin sinabi na mayong ano man na basehan an mga pahayag na may koneksyon an bise presidente sa China huli sana sa suboot na pagresibe nin pondo.
