Pormal nang naglaog sa Philippine Area of Responsibility (PAR) an Super Typhoon Champi kan alas 10:40 ng aga ngunyan asin tinawan nin lokal na pangaran na “Rosal.”
Huring namataan an mata kan bagyo sa rayo na 1,385 kilometro sa subangan kan Central Luzon mantang naghihiro ini West Northwestward sa rikas na 25 kilometro kada oras.
Dara kan bagyo an maximum sustained winds na 185 kilometro kada oras harani sa sentro asin may gustiness na naabot sa 230 kilometro kada oras.
Huli sa paglaog kan bagyo, nakataas na an Wind Signal No. 1 sa Batanes, Silangan na parte kan Babuyan Islands (Babuyan Is., Camiguin Is., Didicas Is.), Silangan na parte kan mainland Cagayan (Santa Ana, Gonzaga, Lal-Lo, Santa Teresita, Camalaniugan, Aparri, Buguey, Gattaran, Baggao, Peñablanca), an hilagang-silangang na parte kan Isabela (Maconacon, Divilacan, Palanan, San Pablo, Cabagan, Santa Maria, Tumauini, Ilagan City), asin an na parte kan Catanduanes (Pandan, Bagamanoc, Panganiban, Viga, Gigmoto).
Pinapagirumdoman an mga residente asin lokal na gobyerno sa mga nasambit na lugar na maging alerto asin padagos na bantayan an mga iluluwas na weather bulletin para sa kaligtasan kan gabos.
