Magpapatupad an Philippine National Police (PNP) nin full alert status sa bilog na nasyon poon Oktubre 30 sagkod Nobyembre 2 para sa Undas.
Ini ipapautob tanganing masiguro an matuninong na pagbiyahe kan mga nag-uuwi sa probinsya.
Siring man, katuyuhan kaini an kaligtasan kan publiko sa pagbisita sa mga sementeryo.
Labi 72,000 na pulis an idedeploy, na susuportaran pa nin haros 17,000 na personahe hale sa Armed Forces of the Philippines, Philippine Coast Guards, asin iba pang ahensya.
Mahigot man an koordinasyon kan kapulisan sa mga local government units para masiguro an mahiwas na pagpapalaganap nin seguridad.
Segun ki PCol. Allen Rae Co, hepe kan Public Information Office kan PNP, katuyuhan kaini an pagseguro sa seguridad asin kaayusan kan publiko sa panahon kan pag-obserbar kan All Saint’s Day asin All Soul’s Day.
