Nagdeklara an sarong independyenteng panel kan UN an na an Russia nagkokomitir nin mga war crimes asin crimes against humanity sa paagi kan intensional na pag-atake sa mga imprastraktura kan sibilyan, orog na an mga importanteng sistema nin enerhiya, sa Ukraine
An mga aksyon na ini nagwalat nin minilyon na Ukrainians na nalilipot sa kadikloman, kun sain an Kyiv nagreport nin 70 percent na pagbaba sa kapasidad nin thermal power generation sa mga apektadong lugar kan nakaaging tiglipot, na nagresulta sa mga dokumentadong kagadanan huli sa sobrang lipot.
Espesipikong pinangaranan kan report si Russian President Vladimir Putin, dating Minister of Defence Sergei Shoigu, an saiyang kasalihid na si Andrey Belousov, asin si Chief of the General Staff Valery Gerasimov bilang mga panginot na responsable sa pagplano asin pagmonitor kan mga pag-atake na ini.
Kinumpirma ni Ukraine’s Foreign Minister Andrii Sybiha an report.
Mantang nagdadangadang an mas malipot na panahon, ipinapahiling kan Russia an intensyon kaining ipagpadagos an mga pag-atake, mantang an Ukraine nag-aatubang sa kritikal na kakulangan nin air defense missiles, kaya nag-apela si President Volodymyr Zelensky sa mga Western allies para sa dugang na ammunition.
Dugang pa, inimbestigaran man kan UN commission an pagrekrut kan Russia sa mga foreign nationals para sa saiyang armed forces, na nagkonklusyon na an mga paagi na ini nagreresulta sa human rights violations asin human trafficking, gamit an panloloko o pamimirit hale sa 29 countries.
