Pinalawig kan Bureau of Internal Revenue (BIR) sagkod Oktubre 29, 2026 an deadline para sa pagsumite kan quarterly Value-Added Tax (VAT) asin Percentage Tax returns, kaiba an pagbayad kan kaukulang buwis.
“The Bureau of Internal Revenue (BIR) has extended the October 26, 2026 deadline to October 29, 2026 for the filing of tax returns and payment of corresponding taxes under BIR Form No. 2550Q (Quarterly Value-Added Tax Return) and BIR Form No. 2551Q (Quarterly Percentage Tax Return), including the submission of required attachments,” an sabi kan anunsyo kan BIR.
Segun sa Revenue Memorandum Circular No. 115-2026, sakop kan palugit an BIR Form No. 2550Q para sa VAT asin BIR Form No. 2551Q para sa Percentage Tax na orihinal na nakatalaan kan Oktubre 26.
Kaiba man sa palugit na ini an pagsumite kan mga kinakaipuhan na attachment kan mga nagbabayad nin buwis.
Ipinaliwanag kan ahensya na itinao an ekstensyon huli sa dai paggana kan Electronic Filing and Payment System (eFPS).
“Under Revenue Memorandum Circular No. 115-2026, signed by Commissioner Charlito Martin R. Mendoza, the extension was granted due to the unavailability of the Electronic Filing and Payment System (eFPS). No penalties will be imposed for filings and payments made within the extended deadline,” dugang pang sabi kan abiso.
Pinirmahan ni BIR Commissioner Charlito Martin R. Mendoza an nasabing sirkular kan Oktubre 26 asin ini tulos na ipinadalan.
Lininaw man kan ahensya na an mga masumite asin magbabayad sa laog kan pinalawig na deadline dai papatawan nin multa.
