Pinirmahan ni Presidente Ferdinand Marcos Jr. an Executive Order (EO) No. 129 tanganing pansamantalang itaas an Minimum Access Volume (MAV) para sa importasyon nin mais.
Sa bisa kaini, nadugangan nin 280,000 metric tons an presenteng alokasyon tanganing umabot sa kabilugan na 500,000 metric tons.
Ginibo an lakdang na ini tanganing atubangon an kakulangan sa dulaw na mais na pangenot na sangkap sa paggibo nin feeds.
Katuyuhan kaini na maibsan an epekto kan hababang ani asin an huma kan maraot na panahon sa agrikultura.
Dakula an tabang kaini tanganing masiguro an padagos na suplay para sa mga feed manufacturer asin livestock raisers.
Huli kaini, linalaoman na malilikayan an biglang paglangkaw kan presyo kan mga kakanon nin hayop.
Pangenot man na katuyuhan kan administrasyon na mapagdanay an katatagan sa merkado asin maprotektahan an halaga kan karne.
Inatasan an Minimum Access Volume (MAV) Management Committee na magmukna nin mga alituntunin sa laog nin 30 aldaw poon sa pagimplementar kaini.
Kaiba digdi an patas na mekanismo sa distribusyon para sa mga lehitimong sektor.
