Senate President Win Gatchalian, nag-apelar sa mga lokal na gobyerno asin law enforcement agencies na paigtingon an seguridad para sa mga biyahero ngunyan na Undas.
Ini huli sa inaasahang pagdagsa kan mga pasahero sa mga kalsada, terminal, paliparan, asin pantalan sa halabang weekend.
Katuyuhan kaini na seguraduhon an kaligtasan kan publiko asin malikayan an ano man na insidente mantang nagbibisita sa mga sementeryo asin nag-uuli sa probinsya.
Segun ki Gatchalian, mas magigin makahulugan an pagromdom sa mga nagadan na mahal sa buhay kun ligtas asin matuninong an pagbiyahe kan gabos.
Idinugang man kan Senate President an importansya kan disiplina, pasensya, asin paggalang sa kapwa motorista, orog na sa inaasahang grabeng trapiko.
Pinagrorokyaw niya an mga motorista na likayan an init kan payo asin magin magalang sa dalan.
An Undas tradisyonal na ginigirumdom kan mga Pilipino kada Nobyembre 1 (All Saints’ Day) asin Nobyembre 2 (All Souls’ Day).
