Nagseguro an House Deputy Speaker Janette Garin n na padagos an trabaho kan Kamara sa pagpreparar kan nasyunal na budget asin pag-atubang sa Super El Niño, sa ibong kan impeachment trial ni Vice President Sara Duterte.
Idinugang ni Garin na dai pinapabayaan kan mga mambabatas an saindang mga katungdan, asin nasa oras an pagpreparar kan budget asin mga lakdang kontra sa grabeng El Niño.
Lininaw niya na dai ginusto kan Kongreso an impeachment proceedings, alagad katungdan ninda na atubangon an mga reklamo segun sa Konstitusyon.,Binigyang-duon ni Garin na dai dapat magpundo an iba pang gibo kan gobyerno mantang nagpapadagos an paglilitis.
Kasabay kaini, nagbabala an PAGASA na an makusog na El Niño pwedeng maghaloy sagkod sa enot na parte kan 2027, na posibleng magresulta sa kakulangan sa uran, tagtuyot, asin kakulangan sa suplay nin tubig sa nagkapirang lugar.
Handa na man an gobyerno sa mga lakdang tanganing protektaran an suplay nin pagkakan asin tubig, asin tabangan an mga paraoma.
