Nawaran nin harong an labi sa 100 pamilya matapos masulo an mga kabahayan sa Sitio Alaska, Barangay Mambaling, Cebu City kasubanggi, aldaw nin Domingo, kasabay kan pagromdom kan Undas.
Segun sa rekord kan Bureau of Fire Protection Cebu City, inabot kan kalayo an ikatulong alarma, kun sain apektado an haros 63 kabahayan asin 128 pamilya.
Dugang pa kan BFP, gibo sa madaling masulo na materyales an mga harong kaya inabot man nin labi sa sarong oras bago ideklarar na “under control” an kalayo.
Mantang, mayong nairehistrong nasugatan sa insidente.
Segun sa rekord kan barangay, apektado an 513 indibidwal, asin nag-abot sa 1.5 million an total na danyos sa mga rogaring.
Pig-iimbestigaran pa kan mga awtoridad kun an pinaghihinalaan na naiwan na nakasinding kandila an kawsa kan kalayo.
Sa presente, nagtutukaw pa an mga apektadong pamilya sa nagkapirang barangay evacuation centers kun sain padagos an pagtao nin tabang kan lokal na gobyerno.
