Piglaloman na makakaeksperyensya nin peligrosong “heat index” an 16 na lugar sa nasyon ngonyan na Martes, na pwedeng umabot sa 43 degrees Celcius, segun sa Philippine Atmospheric, Geophysical and Astronomical Services Administration (PAGASA).
Kaiba sa mga lugar na ini an Iloilo City, San Jose sa Occidental Mindoro, asin Catarman sa Northern Samar, na pwedeng makaranas nin 43 degrees Celcius.
Nagkapirang rehiyon man, kabali an Ilocos Region, Central Luzon, Calabarzon, Mimaropa, Bicol Region, Negros Island Region, Eastern Visayas, asin Zamboanga Peninsula, an pwedeng makaranas nin 42 degrees Celcius na “heat index”.
Nagbabala an PAGASA na an halawig na pagkalantad sa grabeng init pwedeng magkawsa nin “heat cramps” asin “heat exhaustion”.
Posible man na magresulta ini sa “heat stroke”.
Kaya, pinag-aabisuhan an publiko na maging maingat asin magprotehir kontra sa makusog na init.
