Nagpirma nin kasunduan an global tech company na Apple, sa Department of Education (DepEd) para ipanao an 170,000 units kan Macbook Neo sa mga estudyante asin paratukdo sa nasyon.
Kinumpirma ini ni Apple CEO John Ternus sa saiyang Q4 2026 quarterly financial call.
Ini man an pinakadakulang kasunduan na may kinaaraman sa sektor nin edukasyon na sinalihan kan nasabing kumpanya para magdistribwir nin mga units kan Macbook Neo.
Pinangaranan man ni DepEd Secretary Sonny Angara an kolaborasyon na ini asin sinabi na sarong importanteng investment an inisyatiba para sa pagpapakarhay kan pamantayan nin edukasyon sa nasyon. Positibo man an kalihim sa kasunduan sa nasabing tech company.
An nasabing landmark deal parte kan DepEd Computerization Program (DCP) kun sain nakatalaan na ipanao an mga Macbook Neo unit sa labi 16,400 na pampublikong eskwelahan sa bilog na nasyon na pwedeng resibihon nin siisay man, estudyante, paratukdo, o non-teaching personnel.
