Piglinaw kan Philippine National Police (PNP) na mayo sindang namomonitor na anuman na seryosong huma sa seguridad manungod sa gigibuhon na 2026 ASEAN Summit sa nasyon sa masunod na semana.
Segun ki PNP Chief Police General Jose Melencio Nartatez Jr., sagkod sa presente, hababang lebel sana nin huma an saindang namamatian asin pig-aadalan sa ngunyan.
Sa ibong na lado, ipinagpundo kan pamayoan kan pulisya na dai sinda magpapahingalo sa ibong kan marhay na sitwasyon, orog na ta piglalaoman an pag-abot kan manlaen-laen na lider hali sa mga nasyon na miyembro kan ASEAN.
Tanganing masiguro an kaayusan, puspusan na an pakikipag-ugnayan kan PNP sa mga lokal na gobyerno asin iba pang ahensya kan gobyerno kun sain nakatalaan na gibuhon an mga opisyal na aktibidad.
Maski ngani dai pa nagpapataas nin pormal na alert status, siniguro kan kapulisan na nakahanda sindang pakiluson an bilog na puwersa tanganing matawan nin mahigot asin masasarigan na seguridad an nasabing internasyonal na pagtiripon.
