Personal na pinangenotan ni Executive Secretary asin ASEAN National Organizing Council (NOC) Chair Ralph Recto an inspeksyon kan Biyernes, Nobyembre 6, sa mga preparasyon kan gobyerno para sa maabot na ASEAN Leaders’ Summit sa Nobyembre 15–17.
Siniguro ni Recto na matanos an pagdalagan kan mga preparasyon, uyon sa direktiba ni Presidente Ferdinand R. Marcos Jr., pirang aldaw bago mag-abot sa Pilipinas an labi sa 20 lider hali sa manlaen-laen na nasyon.
Kaiba sa ginibong walkthrough sinda DTI Secretary Christina Roque, DOT Secretary Dita Angara-Mathay, DILG Secretary Jonvic Remulla, DICT Secretary Robert de Claro, DBM Secretary Kim De Leon, asin PCO Secretary Lino Cayetano tanganing ipahiling an nagkakasararong paghiro kan manlaen-laen na ahensya kan gobyerno.
Nagpasalamat si Recto sa bilog na organizing team asin hinikayat sinda na padagoson an dedikasyon para sa natatadang haros 100 pagtiripon sa irarom kan pamamayo kan Pilipinas.
