Duwa sa mga enot na piglalaoman na testigo kan depensa ni Vice President Sara Duterte an dai makakaatender sa pagpoon kan saindang presentasyon nin ebidensya sa impeachment trial sa Lunes, Nobyembre 9.
Segun ki House lead prosecutor asin Batangas 2nd District Rep. Gerville “Jinky Bitrics” Luistro, nagsayuma si constitutional law professor Ralph Sarmiento na magtestigo tanganing mapreserbar an saiyang pagigin talingkas asin daing kinakampihan bilang sarong legal scholar.
Dae man makakaatender si Atty. Suzette Balucanag-Punay, corporate counsel kan GenCorp Industries Inc. asin Metro City Chow Foods Corp., huli sa saiyang nakatalaan na MRI. Piglalaoman na ipapahiling niya an mga dokumento manungod sa mga korporasyon asin negosyo na pig-uugnay ki Duterte.
Sinabi ni Luistro na piglalaoman na masalida sa sainda an Davao City Assessor na si Jaime Adalin, Island Garden City of Samal Assessor John Kenneth Enumerables, asin Matina Crossing Barangay Chairperson Cindy Colina bilang mga enot na testigo kan depensa.
Piglalaoman na magtao nin kaliwanagan an mga opisyal sa mga tax declaration asin mapa kan mga rogaring na pigkukuwestiyon kan prosecution huli daa sa dai pag-ayon kan mga ini sa Statements of Assets, Liabilities and Net Worth (SALN) ni Duterte.
Enot nang iprinisentar kan House prosecution an mga titulo asin deed of sale kan duwang rogaring na dai nagtutugma sa mga deklarasyon sa SALN kan Bise Presidente. Nakatalaan na pag-adalan kan prosecution an mga paliwanag kan mga testigo kan depensa.
