Nangapudan an bandang Aegis na irespeto an mga kaparientes kan binawian nin buhay na miyembro na si Mercy Sunot.
Sa social media account kan grupo hagad kaini na dae pagtubodan an mga nagkukuriyat na bareta na kaya nagadan an singer an huli soboot sa manlaen-laen na bisyo.
Sigun pa sa banda na dae naglaog sa anuman na bisyo an singer asin magin mayong katotoohan na may pigluwas na pahayag an saro kaining tugang na si Juliet.
An banda kaya, pigbibilog kan mga tugang ni Mercy na si Juleit asin Ken kaiba sinda Stella Pabico, Rey Abenoja, Rowena Adriano asin Vilma Goloviogo.
Marurumduman kainin nakalihis na Nobyembre 18, binawian nin buhay si Sunot sa edad na 48 makalihis an pakikipaglaban sa breast cancer asin lung cancer.
Nagbulos man an pakikidumamay asin tributes gikan sa pagkagadan kan sikat na singer.Pira sa mga pinasikat na grupo iyo an mga kantang “Halik”, “Basang-basa sa Ulan”, “Luha” asin kadakol pang iba.
