Kinumpirmar kan Armed Forces of the Philippines (AFP) na nagbaba an numero kan mga namomonitor nindang presensiya kan mga Chinese Coast Guard (CCG) vessels sa West Philippine Sea.
Sigun ki Philippine Navy Spokesperson for the West Philippine Sea Rear Admiral Roy Vincent Trinidad, namonitor ninda an siyam na barko kan CCG sa parte kan Bajo de Masinloc, nanutaran man an sarong People’s Liberation Army Navy Ship sa parte kan Pag asa Island mantang duwa man na CCG vessels an nahiling sa Ayungin Shoal.
Paliwanag ni Trinidad an nanutarang pagbaba kan numero kan mga namataang barko kan China an posibleng huli sa maraot na panahon dara na kan Supertyphoon Nando.
Haros nagbaba nin 14 hasta sa 20 an presenteng numero kan mga barko kan Tsina sa WPS kumparar sa huring datos kaini.
Mientrastanto, padagos man an monitoring asin maritime awareness patrols kan Sandatahang Lakas tangani padagos na maprotehiran an soberaniya asin man karapatan kan nasyon sa exclusive economic zones (EEZ) kaini.
