Maduon na kinondenar kan Amerika an panibagong agresibong aksiyon kan China kontra sa barko kan Pilipinas sa parte kan West Philippine Sea.
Sigun ki US Ambassador to the Philippines MaryKay Carlson an nasambitan ng lakdang kan China an malinaw na dae pagbisto sa international law.
Sa saiyang mensahe sa social media, binisto ni U.S. Ambassador to the Philippines MaryKay L Carlson an tapang asin husay kan mga Pilipinong personahes sa ibong kan mapeligrong insidente na kinaiimbweltuhan kan mga barko kan China sa kadagatang harani sa Pag-asa Island na bistado man kono Thitu Islands.
Pagsierto ni Carlson na suportado kan Amerika an Pilipinas sa adbokasiya kaini na magin malaya asin bukas na Indo-Pacific, sarong prinsipyong pinangangatamanan an kalayaan sa paglayag asin respeto sa soberanya kan mga nasyon sa rehiyon.
Pig-omaw ni Carlson an matinding katapangan asin kahusayan kan mga Pilipino sa tahaw kan mapeligrong pananalakay kan China, kaibahan an pambabangga asin paggamit nin water cannon kontra sa mga barko kan Pilipinas.An panibagong tensiyon sa West Philippine Sea an liwat nagpapahiling kan padagos na panggigipit kan China sa mga parasirang Pilipino asin sa mga pwersa kan gobyerno na nagsasagibo man mga lehitimong operasyon sa laog kan eksklusibong economic zone (EEZ) kan Pilipinas.
Padagos an pangapodan kan Pilipunas sa pangkinabang komunidad na igalang an United Nations Convention on the Law of the Sea (UNCLOS) asin an 2016 arbitral ruling na nagpabor sa Pilipinas.
