Pigpuonan nang iheras kan Commission on Elections (COMELEC) kan nakalihis na aldaw nin Biyernes an nasa 110,000 na automated counting machines (ACM) kaiba an mga official ballot na gagamiton sa midterm election sa papaabuton na ika-12 kan Mayo.
Sinabi kan Comelec na dapat antes na mag-Mayo 5 ay naka abot na an mga ACM asin man official ballots sa kanya kanyang lugar para sa gigibuhong final testing asin sealing sa ika-6 kan Mayo. 47,000 na ACM an nagsairarom sa pre-election logic and accuracy tests o pig aapod na na pre-LAT asin piglalaomang matatapos ini sa ika-20 ng Abril.
Sinabi kan Comelec na nakapag-imprenta sinda nin nasa kabilogang 68,542,564 na official ballots, 18 milyong balota an napasairaraom na sa beripikasyon asin man an mga ini ay direktang iheheras sa city treasurer kan sarong syudad o munisipalidad.
An listahan kan mga botante o an election day computerized voter’s list an naiheras na man. Ang mga kagamitan sa halalan siring man kan mga ballot box, mga baterya asin iba pang mga kinakaipuhanon sa halalan an nai-deploy na sa mga regional hub sigun sa Comelec.
