Kumpyansa pa man giraray si Baguio City Mayor Benjamin Magalong sa kredibilidad kan imbestigasyon kan Independent Commission for Infrastructure (ICI) sa ibong kan pagbubutas kaini komo special adviser.
Sa entrevista sa senado, sinaysay ni Magalong na nagtutubod ini na igwa pa man marhay asin matino na miyembro kan ICI.
Partikular na pigtukoy ni Magalong na marhay sa ICI iyo sinda dating Department of Public Works and Highways (DPWH) Secretary Rogelio “Babes” Singson, dating Supreme Court Associate Justice Andres Reyes Jr. asin dating Philippine National Police (PNP) Chief Rodolfo Azurin na maribay na special adviser kan komisyon.
Pigsaysay pa ni Magalong na kan nasa ICI pa ini mayo man “pressure” gikan sa luwas alagad napiritan ining magbutas huli sa nawaran ini nin purpose makalihis na sabihon na bako ining investigator kundi saro sanang legal adviser.
Naenot naman nagpahayag kan saiyang pagkadismasya si Magalong na “below the belt” an akusasyon kontra sa saiya dapit tennis court na pinatindog kan saro sa mga kumpanya kan mga Discaya sa Baguio City.
Habo naman i-detalye ni Magalong an ibang impormasyon sa nangyaring pagbubutas kaini sa ICI.
