Mas pakukusugon pa kan bagyong Kristine an mga pag-uran sa dakulang parte kan nasyon, mantang ini an paparani.
Ini an makalihis na makalaog sa Philippine area of responsibility (PAR) kasubagong matangang bangi.
Huring nahiling an bagyong Kristine sa rayong 1,050 km sa Sirangan kan Southeastern Luzon.
Naghihiro ini pakanluran timog kanluran sa rekas na 30 km/h.
Igwa ining kusog na nagpapakol sa 55 km/h harani sa sentro asin pagbugso na 70 km/h.
Mientrastanto, nakabandera man an signal number one sa Catanduanes para sa Luzon.
Sa Visayas man an sa northeastern portion kan Northern Samar (Laoang, Palapag, Mapanas, Gamay, Catubig, Lapinig) asin northeastern portion kan Eastern Samar (Jipapad, Arteche, San Policarpo, Oras).
Sa presente, Cagayan Valley region an target kan bagyo, alagad posible pa ining magbago sa mga masunod na aldaw.
