(UPDATE) NAGA CITY- Nagsakat na sa tolo an pigbawian nin buhay sa naglubog na baroto sa banwaan nin Garchitorena , Camarines Sur.
Susog sa impormasyon hale sa Philippine Coast Guard (PCG), Philippine National Police (PNP) asin sa Municipal Disaster Risk Reduction and Management Office (MDRRMO), alas-10 nin aga suboot subago kan madukayan kan mga parasira an bangkay ninda Alvin Mapa, 23-anyos asin si Angelica Marasigan, 8-anyos.
Nadukayan suboot an bangkay kan magtiyuon sa baybayon kan barangay Sumaoy sa nasambitang banwaan.
Marurumduman na naglubog an baroto na piglulunadan kan magkakaparyente na sinda Maria Marilyn Mapa, 62-anyos; Alvin Mapa; Adrian Marasigan, 10-anyos asin si Angelica Marasigan makalihis na magtama digdi an makukusog na hukol asin duros.
Naisalbar kan mga paraoma an mag-lola na sinda Maria Marilyn asin Adrian alagad pigbawian man nin buhay an nasambitang gurang makalihis na atakihon sa puso.
