NAGA CITY – Makundusir nin force evacuation an banwaan nin Sagñay, Camarines Sur sa mga coastal area landslide area asin flooded prone area, asin piglaloman na ribo-ribong mga residentes an mga ma-ebakwar.
Sa entrevista kan Bombo Radyo Naga ki Noli Pielago, Head kan MDRRMO Sagñay, pigsaysay kaini na na-inform na man soboot an mga residentes na dapat fixed na an saindang mga harong.
Dugang pa kan opisyal na sainda naman pupuonan an pag briefing sa mga barangay officials manungod sa Barangay Disaster Council (BDC), asin pakatapos kan nasambitan ng briefing pupuonan na man soboot ninda an mandatoy evacuation.
An nasambitan ng mga evacuation center sa banwaan iyo an St.Andrew Academy, PAGCOR, Mabca National High School, asin man an Sports Complex kan banwaan nin Sagñay asin man ma-identify pa soboot sinda nin iba pang pwedeng magin evacuation center huli man ta kukulangon soboot ini.
Mientrastanto, sigun pa ki Pielago na clear o passable pa an agihan kan Sagñay – Tiwi road huli man ta mayo pang naghuhurulog na gapo asin huli ta dae pa man nagpapara-uran.
Pigtawan-duon pa man kan opisyal na kakaulayon kaini an mga barangay kapitan na pagbawalan na an mga parasisira na maglawod ngunyan na aldaw, Nobyembre 15, 2024 huli sa papaabuton na kalamidad.
Pangapudan man ni Pielago na sa gabos na mga residentes dae soboot pagbalewalaon an siring na panahon, mag preparar asin mag-ebakwar.
