Sarong bagong trayumpo an naidugang ni BB Gandanghari sa saiyang karera makalihis ining magtapos komo summa cum laude sa kursong Bachelor of Science in Entertainment Business sa Los Angeles Film School.
Pigheras ni BB an magayon na bareta sa sarong Instagram post kan Dominggo, kaiba an video kan saiyang graduation ceremony asin sarong mensaheng pano nin pasasalamat asin pagmamalaki.
Apwera sa Latin honor, bistado man si BB komo Student of the Month asin kasapi kan Honor Society of Los Angeles.
Sa sarong naenot na entrevista ki Boy Abunda, sinaysay ni BB na piglaog kaini an film school tanganing sunudan an saiyang pangaturogan sa producing at directing.
Advertisement
Advertisement
