Kinumpirmar kan Philippine Institute of Volcanology and Seismology (Phivolcs) na tulong beses nang nagbuga nin abo an Bulkang Kanlaon sa Negros Island kan nakalihis na aldaw nin Sabado, Oktubre 25.
Ini an kasunod kan pagputok kan bulkan kan nakalihis na banggi nin Biyernes, Oktubre 24.
Basado sa time-lapse footage gikan sa Kanlaon Volcano Observatory sa Canlaon City, nangyari an ash emissions bandang alas-7:04 nin pagkaaga, alas-8:26 nin pagkaaga ason man alas-9:23 nin pagkaaga.
Nagluwas ini nin kulay abong plumes na nagpakol hasta sa 300 metro an langkaw gikan sa crater antes na nakaabot sa hilagang kanlurang direksiyon.
Nagkukumpirmar man an aktibidad na ini kan nagpapadagos na pa-alburuto kan bulkan sa laog kan summit crater.
Pigreport man kan mga lokal na awtoridad na naeksperysyahan an ashfall sa nagkapirang lugar sa Negros Occidental kabali na sa Bago City partikularmente sa mga Barangay Mailum, Ma-ao, Ilijan, Bacong asin Abuanan, gayundin sa La Carlota City partikularmente na sa Barangay Ara-al at Sto. Guintubdan asin sa Pontevedra partikular na sa Barangay Zamora.
Pigreport man kan mga residente sa iba pang lugar sa Negros Oriental an makusog na sulfurous fumes.
